Margrethe Pettersen og Britta Marakatt-Labba er blant kunstnarane som har laga verk til Oslo samiske skule, som opna offisielt i nye lokale på Nedre Bekkelaget skule i 2022. Kunstprosjektet er støtta av KORO si LOK-ordning.
Foto: Istvan Virag.

Aktuelt

Digitalt informasjonsmøte om LOK

Har du spørsmål om KORO si ordning for prosjektstøtte og produksjonsbistand? Ver med på digitalt informasjonsmøte torsdag 12. desember 2024, kl. 10.00–11.00.

Lokalsamfunnsordninga (LOK) er ei søkbar tilskotsordning som skal stimulere til utvikling, produksjon og formidling av kunst i offentlege rom over heile landet. Gjennom LOK ønskjer KORO å styrkje samarbeidet med kunst- og kunstnarmiljø i regionar, kommunar og fylkeskommunar.

Klikk her for å bli med i møtet på Teams (lenken er utgått)

Møtet startar med ein presentasjon av LOK ved Truls Ramberg og Bo Krister Wallström i KORO. Truls har spesielt ansvar for rådgiving til aktørar i fylkes- og kommunesektoren, medan både Bo og Truls gir rådgiving til kunstnarar og har ansvar for produksjonsbistand.