Les norsk tekst lenger ned på siden. Geahča dárogiela teavstta vuolábealde.
Olmmáivákkis Gáivuona suohkanis Romssas lea Davvi Álbmogiid Guovddáš, mii lea našuvnnalaš gealboguovddáš sámi giela, historjjá ja kultuvrra várás. Guovddážis lea musea, giellaguovddáš, bibliotehka ja čájáhusareála, ja guovddážis leat velá lanjat deaŧalaš sámi oasálaččaide nugo NRK Sápmái ja Riddu Riđđu musihkkafestiválii. Guovddáš lea alccesis bidjan juksanmearrin doaibmat guovddášlaš fágapolitihkalaš ja kultuvrralaš ovttadahkan sámi áššiid dáfus, ja lea bidjan váldodeattu mearrasápmelaččaid kultuvrii ja eavttuide.
Eatnatlohkosaš ámmátdáiddáriin leat ruohttasat uhca Gáivuonas, ja okta sis lea Kristin Tårnesvik. Son lea ovddastuvvon Davvi Álbmogiid Guovddážis ovcci minuhta guhkkosaš persovnnalaš My Way [Mu vuohki] filmmain, mii čájehuvvo duolbašearpmas váldofeaskáris. Tårnesvik’ barggut jorret dávjá sosiála ja historjjálaš áššiid birra, ja poehtalaš filmmas man lea ráhkadan Davvi Álbmogiid Guovddážii son geavaha vuolggasadjin ollu boarráset ja ođđa dokumeanttaid, arkiivamateriálaid ja artihkkaliid mat válddahit Gáivuona. Dáin son lea váldán mielde sániid ja dajahusaid mat dávjá geardduhuvvojit válddahusain, ja lea sehkken daid oktii su iežas sániiguin ja dajahusaiguin. Poehtalaš, fragmeanttalaš teaksta fierrá hiđis, dorjolas čuhpposiid badjel, mat leat govvejuvvon Gáivuona gáissáin dálvvi guovdil.
Nuppe bealde feaskáris lea dáiddár Marita Isobel Solberg, geas lea mearrasámi duogáš, monteren iežas dáiddadahkosa Microprocessor. Dáiddadahkosis leat bálseduodjedulbožat, mat leat boldojuvvon boares, asiáhtalaš teknihka mielde, ja dulbožat láidejit jurdagiid geđggiide maid johkarávnnjit ja áhpebárut leat liktedan áiggi ollodahkii. Dulbožat leat monterejuvvon vuoiŋŋašlágan hápmái vilges seaidnái – hápmái man sáhttá oaidnit Davvi Álbmogiid Guovddáža doaimma govvádussan Romssas, namalassii guovddážin gos kultuvra, giella ja historjá juogaduvvojit ja gárggiidit.
I Manndalen i Kåfjord kommune i Troms holder Senter for nordlige folk til, et nasjonalt kompetansesenter for samisk språk, historie og kultur. Senteret rommer et museum, et språksenter, bibliotek og utstillingsareal, og er i tillegg sete for viktige samiske aktører som NRK Sápmi og musikkfestivalen Riddu Riđđu. Senteret har satt seg som mål å fungere som en sentral fagpolitisk og kulturell enhet innen samiske spørsmål, med hovedvekt på sjøsamenes kultur og vilkår.
Et stort antall profesjonelle kunstnere har sin herkomst fra lille Kåfjord kommune, og en av dem er Kristin Tårnesvik. Hun er representert ved Senter for nordlige folk med det ni minutter lange, personlige filmverket My Way, som vises på en flatskjerm i vestibylen. Tårnesviks arbeider kretser ofte rundt sosiale og historiske spørsmål, og i den poetiske filmen hun har laget til Senter for nordlige folk tar hun utgangspunkt i en rekke eldre og nye dokumenter, arkivmateriale og artikler som beskriver Kåfjord. Fra disse har hun tatt med seg ord og uttrykk som ofte går igjen i beskrivelsene, og mikset dem sammen med sine egne. Den poetiske, fragmentariske teksten ruller over langsomme, subtile klipp, tatt opp fra fjellet i Kåfjord midtvinters.
På den andre siden av vestibylen har kunstner Marita Isobel Solberg, med sjøsamisk bakgrunn, montert sitt verk Microprocessor. Verket består av runde keramiske fliser som er brent etter en gammel, asiatisk teknikk, og flisene leder tanken hen til steiner slipt av elvestrømmer og havbølger. Flisene er montert i en hjerneliknende form på den hvite veggen – en form som kan ses som et bilde på Senter for nordlige folks funksjon i Finnmark, som et senter der kultur, språk og historie utveksles og utvikles.
