Terningmoen leir, bygg 0044

Med ein humoristisk strek peikar Constance Tenvik på dei sårbare og romantiske sidene til ungdommar som skal bli soldatar.

Gardemann med hestehår og rose #1, Constance Tenvik. Fotograf: Tor S. Ulstein

Om prosjektet

Til oppgraderinga av Terningmoen leir på Elverum var det først planlagt å kjøpe inn ferdige verk av Constance Tenvik. Men då KORO tok kontakt med kunstnaren, ville ho heller lage noko nytt med utgangspunkt i militærleiren. Resultatet er tre teikningar med titlane Gardemann med hestehår og rose #1, #2 og #3.

Eit verna brakkebygg frå 1884 er oppgradert og skal huse rekruttar til Hæren og Garden. Her heng teikningane til Tenvik. Både motiv og formspråk talar direkte til målgruppa: Med ein lett og humoristisk strek har Tenvik teikna soldatar i uniformer som minner om gardeuniforma, men i lyse pastellfargar. Kroppane inni uniformene har litt «feil» proporsjonar – små hovud, lange nasar, lange armar og bein og store hender – som ikkje heilt ferdig utvikla tenåringar.

Tittelen Gardemann med hestehår og rose viser til duskane oppå hattane som høyrer til gardeuniforma, og at soldatane på teikningane har roser i hendene. Slik spelar Tenvik på romantiske førestellingar om soldaten som høvisk kavaler.

Constance Tenvik (f. 1990) er utdanna ved Kunstakademiet i Oslo og Yale School of Art i New Haven. Ho arbeider med teikning, måleri, skulptur og performance med innslag av teater, musikk og dans. I desember 2017 opnar ho si første soloutstilling gjennom Unge Kunstneres Samfund (UKS) på Kunstnernes Hus i Oslo.

Les intervju med Constance Tenvik her.

Detaljer

Adresse

Terningmoen leir, 2403 Elverum

Fylke

Innlandet

Kunstner

Constance Tenvik

Ferdigstilt dato

31.08.2017

Kurator

, KORO

Mottakerinstans

Forsvaret , Tor Åge Tøsdal

Byggherre

Forsvarsbygg , Eli Skyberg

¨
Varighet

Permanent

Tilgjengelighet

Ikke tilgjengelig for publikum

Program

Kunst til statens nybygg

Milepæler

Oppdragsbrev


Kunstplan godkjent


Kunstprosjekt ferdigstilt