Skåland ungdomsbase

Skåland ungdomsbase hadde ei lang fortid som barnevernsinstitusjon då bygget vart totalrenovert i 2008. Til denne staden har kunstnaren Christian Sunde laga skulpturen Framut.

Framut, Christian Sunde. Fotograf: Christian Sunde

Om prosjektet

Nokså avsides i Lund kommune i Rogaland, inntil store naturområde og med ein gamal, skrånande eplehage, ligg eigedomen som fram til 2013 husa ungdomsbasen Skåland. Tidlegare var det sanatorium og skule her, men mellom 2008 og 2013 var bygningen i bruk som barnevernsinstitusjon.

I 2008 blei det investert stort i eigedomen. Trehuset på fire etasjar frå 1932 blei totalrehabilitert. I tillegg blei det bygd tre nye internatbygg og ny verkstad på tomta. Sidan internatbygningane skulle verke som private heimar, og hovudbygningen også ville ha avgrensa tilgang for offentlegheita, blei det bestemt at kunstmidla for dette prosjektet skulle nyttast til eit kunstverk utandørs. Kunstnaren blei også beden om å lage eit kunstverk som kommuniserte med brukarane på ein positiv måte, og som samtidig viste respekt for omgivnadene.

Resultatet er skulpturen «Framut» av Christian Sunde – ei stilisert hovudform, plassert på ei søyle midt i eit gamalt fontenebasseng i eplehagen. Hovudet er belyst frå undersida og gløder svakt i mørket. Skulpturen har eit framoverretta uttrykk; det er som hovudet speidar ut over landskapet.

Skåland ungdomsbase blei nedlagd i 2013. Skulpturen står framleis på eigedomen, som er i Statsbyggs eige.

Detaljer

Adresse

Skåland 18, 4460 MOI

Fylke

Rogaland

Kunstner

Christian Sunde

Ferdigstilt dato

24.07.2008

Prosjektansvarlig

Elisabeth Tetens Jahn
Mari Aarre
Ahnikee Østreng

Kunstkonsulent(er) i kunstutvalget

Snøfrid Hunsbedt Eiene

Arkitektkontor

Haga & Grov sivilarkitekter mnal AS

Mottakerinstans

Bufetat region Vest

Byggherre

Statsbygg

¨
Varighet

Permanent

Tilgjengelighet

Tilgjengelig for publikum

Program

Kunst til statens nybygg

Kunstverk