Det nye Ibsenbiblioteket i Skien kommune fekk støtte gjennom KORO si LOK-ordning i 2025. Bilete viser Edvine Larssen, Pust, 2015. © Edvine Larssen. Foto: Gunnar Holmstad/SALT.
,

KORO søkjer utvalsmedlemmer

Vil du vera med å vurdera kva kunstprosjekt som skal få støtte frå KORO si prosjektstøtteordning for kunst i offentlege rom?

KORO si Lokalsamfunnsordning (LOK) har som formål å stimulera til produksjon og formidling av kunstprosjekt i offentlege rom og bidra til utvikling innan fagfeltet.

Me søkjer etter:

  • To medlemmer til utvalet som vurderer søknader frå kommunar og fylkeskommunar.
  • To medlemmer som vurderer søknader frå kunstnarar og kuratorar.

Oppdraget består i å vurdera søknader og utarbeida ei grunngjeven innstilling i samarbeid med fagpersonar frå KORO. Arbeidsmengda blir berekna til cirka to arbeidsveker pr. år. Største delen av arbeidet skjer i februar/mars.  Oppdraget blir honorert i samsvar med gjeldande konsulentsats, som for tida er kr 860,- pr. time.

I samansetninga av utvalet blir det lagt vekt på at kunnskapen til medlemmene til saman representerer eit kompetansemangfald innan fagfeltet kunst i offentlege rom. Medlemmene i utvalet må vera godt orienterte om nasjonal og internasjonal samtidskunst. Det er ein fordel om søkjarane har erfaring med produksjon av kunst i offentlege rom.

Kort motivasjonstekst og CV skal sendast til post@koro.no innan 9. desember 2026

Les flere aktueltsaker fra KORO

Var dette nyttig?

Takk for din tilbakemelding!

Vi leser alle henvendelser, men kan dessverre ikke svare deg.