Vi skal ikke lage lærebøker, ein performance av Marthe Ramm Fortun

KORO og Universitetsmuseet i Bergen har gleda av å invitera til performance med Marthe Ramm Fortun, tysdag 19. mai kl. 16.30.

Marthe Ramm Fortun har skapt ein unik, tiårig performance-syklus spesielt for Universitetsmuseet i Bergen, med éin årleg performance fram til 2028. Prosjektet starta i 2019, og dei årlege møta dannar ei historisk rekkje av særeigne og viktige opplevingar. No kan me møtast for åttande gong!

Performance-syklusen er ein del av kunstprosjekt Minervas stemme, kuratert av Marit Paasche for KORO til Universitetsmuseet i Bergen. Bidraget til Ramm Fortun består óg av to fotografiske seriar, som er monterte i  første, andre og tredje etasje i museet. Dei har tittelen Vi skal ikke lage lærebøker. Det andre bidraget til Minervas stemme er av Mattias Härenstam, og består av to store skulpturar monterte i den første etasjen i museet.

Kvar årlege performance blir dokumentert med eit fotografi, og desse bileta vil etter kvart fylla det som starta som ti tomme rammer utanfor tårnsalen i Universitetsmuseet.

• Ler meir om kunstprosjektet på Universitetet i Bergen