![](https://koro.no/content/uploads/2024/05/Oslo_samiske_skole_2023_WebRes_08_Istvan-Virag-scaled.jpg)
Oza projeaktadoarjaga ja buvttadanráđi
Oza projeaktadoarjaga ja buvttadanráđi KORO Báikkálašservodatortnega (LOK) bokte. Ohcanáigi 2024 lei guovvamánu 1. beaivvi. Boahtte ohcanáigi lea guovvamánu 1. beaivvi 2025.
Ortnega ulbmilin lea movttiidahttit buvttadit dáiddaprojeavttaid almmolaš báikkiin ja dagahit fágalaš ovdáneami suorggis sihke báikkálaččat, regiovnnalaččat ja našuvnnalaččat.
Mii doarjut projeavttaid main lea alla dáiddalaš ja fágalaš áigumušat mat huksejit gelbbolašvuođa ja ođđa máhtu ja sirddihanárvu lea našuvnnalaččat ja riikkaidgaskasaččat.
Sáhttá ohcat doarjaga buot lágan dáiddalaš ovdanbuktimiidda. Mii ohcat gal dáiddalaš ovdabuktimiid mat ovdánahttet almmolaš ságastallama ja lasihit máŋggadáfotvuođa dáiddalaš ovdanbuktimiidda ja buvttademiide almmolaš báikkiin. Mii hástalit earenoamážit projeavttaid mat čájehit dáhtu geahččaladdat ja ođđaárvalemiide.
Mii doarjut maid projeavttaid mat čatnet oktii ieš guđet fágalaš surggiid ja disipliinnaid, earret eará dáiddaprojeavttaid mat leat čadnojuvvon gávpot- ja báikeovdánanproseassaide.
Sáhttá ohcat doarjaga buvttadit dáiddaprojeavttaid almmolaš báikkiin ja ovdaprojektii/projeaktaovdáneapmái (alimus ohcansubmi ovdaprojeavttaide lea 100 000,- ruvnno)
Dán jagi rámma juogadeapmái lea 12,5 mill. ruvnno.
Geat sáhttet ohcat doarjaga dáiddaprojeavttaide?
- Dáiddárat
- Kuráhtorat
- Suohkanat
- Fylkasuohkanat
Suohkanat ja fylkasuohkanat fertejit geavahit áššáiguoskevaš dáiddafágalaš gelbbolašvuođa buot ohcamiidda maid sáddejit KORO:ii.
Oza veahki KORO buvttadeaddjis ja kuráhtoris:
Sáhttá maid ohcat ráđi KORO buvttadeaddjis ja kuráhtoris. Ovdamearkkat mainna sáhttá buvttadeaddji/kuráhtor veahkehit:
- Čatnat oktavuođa áigeguovdilis ovttasbargoguimmiiguin.
- Praktihkalaš ráđđeaddin go lea buvttadeapmi almmolaš báikkiide.
- Fágalaš gulahallan ohcciin projeavtta ovdáneami olis.
- Váikkuhit oinnolašvuhtii ja gaskkustit almmolašvuhtii.
- Plánet ja programmeret oalgelágidemiid.
KORO kuráhtor ja buvttadeaddji veahkehallet máŋga projeavtta oktanis, ja juogadeapmi dahkko dađi mielde go KORO:s lea kapasitehta juste dan áiggi. Movt geavahit juolluduvvon buvttadeaddji/kuráhtordoarjaga čielggaduvvo ja šiehtaduvvo lagabuidda juohke áidna háve doarjaga vuostáiváldiin.
Máhtto ja gelbbolašvuođa ovdánahttinprojeavttat:
Sáhttá maid ohcat doarjaga projeavttaide mat ovdánahttet máhtto ja gelbbolašvuođa ovdáneami dáidaga suorggis almmolaš báikkiin. Ortnet lea vuosttažettiin jurddašuvvon regionála ja báikkálaš fágabirrasiidda.
Sáhttá ohcat doarjaga projeavttaide mas ulbmiljoavku leat dáiddárat, kuráhtorat ja báikkálaš ja regionála aktevrrat fágasuorggis. Ovdamearkkat doaimmaide mat sáhttet oažžut doarjaga, leat logaldallamat, kurssat, konferánssat ja almmuheamit. Árvvoštallamis deattuhuvvo báikkálaš dárbu, fágalaš dássi ja ávkkástallanárvu eará aktevrraide fágasuorggis.
Ovdamearkkat doaimmaide mat sáhttet oažžut doarjaga, leat logaldallamat, kurssat, konferánssat ja almmuheamit.
Geat sáhttet ohcat doarjaga máhtto- ja gelbbolašvuođa ovdáneapmái?
- Dáiddárat
- Kuráhtorat
- Suohkanat
- Fylkasuohkanat
- Dáiddaguovddážat ja eará aktevrrat suorggi siskkobealde
KORO lea vuođđudan fierpmádaga suohkaniidda ja fylkasuohkaniidda geat barget dáiddain gávpot- ja báikeovdánemiin. Doarjja diekkár projeavttaide sáhttá rahpat vejolašvuođa oassálastit fierpmádagas.
Dábálaččat ii sáhte ohcat doarjaga dáidda:
- Projeavttaide mat eai leat ortnega ulbmila siskkobealde
- Projeavttaide mat ožžot doarjaga eará stáhtalaš foanddas
- Dábálaš doibmii
- Gokčat vuolláibáhcaga
- Guosseássan ja reaisodoaimmaide
- Projeavttaide dáiddaásahusaid dahje museaid olis geat ožžot doarjaga stáhtas
- Dáiddabuvttadusaide mat eai leat almmolaččat olámuttos
- Dáiddabuvttademiide olggobealde Norgga
- Projeavttaide mas ohccis váilu loahpparaporta KORO:ii
- Loahpparuhtadeapmái
- Studeantaprojeavttaide
KORO ii dábálaččat doarjjo projeavttaid mat doaimmahuvvojit olgoriikkas. Oažžut doarjaga diekkár projeavttaide, de lea ge buorre ja váldde oktavuođa Office for Contemporary Art (OCA) ja Norwegian Crafts.