Boklansering av Minervas stemme
KORO har gleda av å invitere deg til boklansering knytt til kunstprosjektet Minervas stemme (2019-2028). I samband med dette blir samtalen Mitt opprør er å bli hos deg, som vil granske den gjensidige forpliktinga offentleg kunst inneber, arrangert.
Minervas stemme er kuratert av Marit Paasche for KORO. Prosjektet omfattar to skulpturar av Mattias Härenstam og to fotografiske seriar av Marthe Ramm Fortun. Fortun skaper òg ein unik tiårig performance-syklus spesielt for museet, med éin årleg performance fram til 2028. Syklusen starta i 2019, då det nyrenoverte museet stod ferdig.
Publikasjonen samlar tekstar av Sinziana Ravini, Ingrid Halland, Marit Paasche og kunstnarane. Redaktør er Marte Danielsen Jølbo.
Program
Sted: Tårnsalen i 3. etasje på Universitetsmuseet i Bergen
Tidspunkt: Torsdag 20. februar 2025, kl. 15:00–17:00
15:00 – Dørene opnar, lett servering
15.25 – Velkomen ved Eli Hausken frå Universitetsmuseet og Pernille Skar Nordby frå KORO
15:30 – Mitt opprør er å bli hos deg, ein samtale mellom Mattias Härenstam, Marthe Ramm Fortun og Marit Paasche. Moderator er Marte Danielsen Jølbo
16:15 – Spørsmål og mingling
17:00 – Arrangementet blir avslutta
Arrangementet er ope og gratis for alle. Påmelding er ikkje nødvendig, men det er avgrensa med plassar.
Om publikasjonen
Tittel: Minervas stemme
Tekstar av: Sinziana Ravini, Ingrid Halland, Marit Paasche og Pernille Skar Nordby
Redaktør: Marte Danielsen Jølbo
ISBN: 978-82-93033-26-4
KORO (Kunst i offentlege rom), Norge 2025
Viss du ønskjer eit eksemplar av publikasjonen, ta kontakt med KORO.
Mattias Härenstam er utdanna frå Kunsthøgskolen i Bergen og Städelschule i Frankfurt am Main. Han bur og arbeider i Oslo, og arbeider med skulptur, tresnitt og film/ video. Härenstam har hatt ei omfattande kunstnarisk verksemd med fleire utstillingar og offentlege kunstprosjekt i inn- og utland. Arbeida hans finst i offentlege samlingar som Nasjonalmuseet (Oslo), KODE (Bergen), Stavanger Kunstmuseum og Nordnorsk Kunstmuseum (Tromsø).
Marthe Ramm Fortun er utdanna ved New York University og Hoger Instituut voor Schone Kunsten i Gent, Belgia. Ho er førsteamanuensis i biletkunst på Kunstakademiet, KHiO (Oslo). Fortun arbeider fleirmedialt med forankring i performance. Fortun er nominert til Lork Schive kunstpris 2025, og har vist arbeid ved stader som Crédac (Paris), BOZAR (Brussel) Henie Onstad kunstsenter, Munchmuseet i rørsle (Oslo), Musee d’Art Contemporain (Montreal), KW Institute of Contemporary Art (Berlin) og Performa (New York). Kunsten hennar er innkjøpt av Henie -Onstad Kunstsenter og Oslo kommunes Kunstsamling.
Marte Danielsen Jølbo er kurator, redaktør og skribent. For tida jobbar ho som kunstnarisk leiar for MUNCH live. Før det var ho dagleg leiar for Hå Gamle Prestegard og kurator i KORO. Jølbo er medstiftar av Another Space, eit lite forlag for kunst og arkitektur, og tidlegare prosjektrom i København. Ho var òg med å stifte nettidsskriftet og residency-programmet Contemporary Art Stavanger der ho var redaktør 2013-2019. Jolbø har skrive og vore redaktør for ei rekkje essays og kunstpublikasjonar.
Marit Paasche har ein PhD i kunsthistorie frå NTNU, og arbeider som uavhengig forskar, forfattar og kurator. Boka hennar, Hannah Ryggen. Threads of Defiance (Thames and Hudson and University of Chicago Press, 2019), vart kåra til ei av årets beste kunstbøker av New York Times og ei av årets beste bøker av Times Literary Supplement. Hennar siste bok er Søvn og lykke. Norsk kunst og det moderne gjennombrotet (Universitetsforlaget 2024), tilbyr eit samtidig blikk på det å skrive (om) kunsthistorie og har fått gode meldingar.
Spørsmål?
Ta kontakt med prosjektleiar i KORO Pernille Skar Nordby på 407 81 205, psn(at)koro.no