Som små

Dei tre små marmorskulpturane førestiller babyar. Dei ligg verken på sokkel, på ei pute eller i ei seng, og dei er heller ikkje idealiserte. Dei liknar små menneske. Fagerås bruker vanlege menneske og kvardagslege situasjonar som modellar for kunstverka sine. Skulpturane er kjøpte inn spesielt for Haukeland og Glasblokkane.

Håkon Anton Fagerås (f. 1975) jobbar med skulptur i eit klassisk figurativt formspråk, og er ein av få samtidskunstnarar som arbeider i marmor og høgg ut skulpturane sine sjølv.