Signs

Bo Meyer sine kunstverk er ikkje berre styrt av visuelle arkitektoniske føringar, men har ein klar symbolsk agenda. På Lysaker stasjon har han måla til saman 32 enkle symbol, som piler, sirklar, trekantar og kryss. Halvparten av symbola er militære symbol som blir nytta i samband med strategisk planlegging av krigshandlingar og invasjon. Den andre halvparten er inspirert av symbolbruken til ei gruppe nordamerikanske indianarar. To plakettar med informasjon er plasserte ved verket.