Nice To See You

Det er kanskje litt uventa å sjå to kjempestore teikneserieaktige figurar i hagen utanfor eit sjukehus! Eit par briller og eit kaninhovud med grøne øyre står vendt mot kvarandre på kvar si side av ein gangsti. Akkurat som i eventyr eller teikneseriar, der alt er mogleg, ser det ut som om dei to figurane står og snakkar saman.

Inges Idee er ei gruppe som består av fire kunstnarar. Dei har jobba saman sidan 1991 og laga mange store kunstverk i offentlege rom både i heimlandet Tyskland og i utlandet. Det er lett å kjenne igjen verka deira, som alltid er laga spesielt for staden dei skal vere på.