Korpus

Dei bølgande søylerekkene på forplassen dannar ei heil skulpturgruppe. Kvar skulptur etterliknar forma til og er oppkalla etter matematiske og geometriske fenomen som finst i både naturen og menneskekroppen. For eksempel betyr korpus kropp. Sinus, eit ord som mange kjenner frå mattetimane, er også det latinske namnet på biholene våre. Fibonacci er ein matematisk sekvens som finst over alt i naturen, oppkalla etter italienaren som gjorde oppdaginga.

Edith Lundebrekke (f. 1959) har laga fleire store offentlege kunstverk, mellom anna installasjonar, skulpturar og heile fasadar på bygningar.