Amulets

Kva tar vi vare på, og kvifor? Kva kan ei bok fortelje utover orda den inneheld? Kan materialet, handverket og den fysiske forma til boka avsløre noko om korleis kunnskap blir verdsett og vidareført? Kva skal til for å halde kunnskap ved like over tid? 

Amulets er ein vegginstallasjon som er sett saman av handlaga bøker, og er laga spesielt for dette rommet. Verket reflekterer over skulen som ein stad kor kunnskap blir skapt, tatt vare på og oppretthalden. Når du går inn i dette rommet, inviterer verket deg til å tenke gjennom: Kva for kunnskap skaper vi i dag? Kven er kunnskapen for? Og korleis kan den bestå og reise inn i framtida? 

Kunstverket er laga spesielt for HVL og er utført med hjelp frå Ronja Bråten og Kasahun Hailu.