40 figurasjoner etter solnedgang

Leonard Rickhard har laga ei veggteikning på den delen av kantina som ligg nærast studenthuset. Han er oppteken av ornamentikken til flata, han understrekar korleis det gode ornamentet vil til flata og samtidig tek med seg rommet.

Teikninga er delt i 40 ruter med ulike framstillingar av bygningar, maskiner og køyretøy. Dette er første gongen han arbeider på ei stor veggflate med teikning. Arbeidet er utført rett på veggen med akryltusj i hovudfargane oker, raud, grå og svart.