Yoghurt gul

Motivet i tekstilarbeidet til Kristin Tinsa Sæterdal er eit tomt Go’morgen-yoghurtbeger. Det er henta frå ein serie kunstverk med tittelen Forkastet. At eit motiv som er så kvardagsleg og lett å kjenne igjen blir opphøgd og får ny tyding i eit innramma kunstverk, opnar for refleksjon. Tema som forbruk, avfall og midlertidigheit blir framheva, det same blir spørsmål knytt til kva vi verdset i samfunnet. Kva vel vi å ta vare på, og kva for materiale ser vi på som ubrukelege?