Iver Jåks ráhkadii ebmos dáiddadahkosis Beaivváš ja biegga / Sol og vind earenoamážit Sámi joatkkaskuvlii ja boazodoalloskuvlii Guovdageidnui. Jåks sárggui vuosttas hápmosa 1970 logu gaskka muttos, muhto dáiddadagus gárvánii easkka jagi 1996. Giehtaduojár ja silbarávdi Peter Rust, gii barggai sihke iežas silbabájis Guovdageainnus ja oahpaheaddjin joatkkaskuvllas, dagai giehtaduojálaš barggu Jåks’ sárggastusaid mielde.
Motiiva čatnasa čavgadit sámi mytologiijii, mas beaivvážis lea áibbas guovddáš sadji. Komposišuvdna čájeha beaivváža ja biekka geometrihkalaš ja symmetralaš komposišuvnnas. Beaivváš ja biegga lea visot ráhkaduvvon meissegis, juohke áidna skruva duohkai.
Beaivváš ja biegga sirdojuvvui jagi 2024 eret Sámi joatkkaskuvlla ja boazodoalloskuvlla lanjain, ja čohkkejuvvui fas skuvlla ja Beaivváš teáhtera ođđa huksehusa Čoarvemáddaga váldolanja guovddážii.
Bio: Iver Jåks (1932–2007) leai riegádan Kárášjogas, ja mánnán juo sárggui ollu. Son logai Stáhta giehtaduodje- ja dáiddaindustriijaskuvllas (SHKS) Osloves/Oslos (dáláš Dáiddaallaskuvla Osloves/KHiO) ja Dáiddaakademiijas Københavnnas. Jåks leai máŋggasuorggat dáiddár, gii ovdanbuvttii ja geahččalattai eatnatgeardásaš teknihkaid, formáhtaid ja materiálaid bokte. Son válddii elemeanttaid sámi dáidagis ja kultuvrras ja ovttastahtii daid su iežas áiggi riikkaidgaskasaš dáiddatendeanssaiguin. Dáiddárin son barggai dujiin, akvareallaiguin, čitna- ja tuššasárgumiiguin, gráfihkain, buncagovaiguin (relieffaiguin) ja dáiddačullosiiguin (skulptuvrraiguin), maid duddjui muoras, dávttis ja čoarvvis. Oahpahaladettiin SHKS:s beroštii metállas. Iver Jåks dagai máŋga almmolaš dáiddadahkosa, ja dain lea Beaivváš ja biegga okta ovdamearka. 1970 logu álggus bálkáhii Romssa Musea su ráhkadit illustrašuvnnaid Sámekultuvra nammasaš stuorra čájáhussii, mii ain dálge lea oaidnin láhkai museas. Okta dáiddadagus, mii dáidá leamen su dovdoseamos almmolaš dáiddadahkosiid gaskkas, lea betoŋgabuncagovva Ipmiliid dánsa (1972) Sámiid Vuorká-Dávviriin Kárášjogas.
Norsk tekst:
Iver Jåks`monumentale kunstverk Sol og vind ble laget spesielt for Samisk videregående skole og reindriftsskole i Kautokeino. Jåks tegnet den første skissen på midten av 1970-tallet, men verket var endelig ferdig først i 1996. Kunsthåndverker og sølvsmed Peter Rust, som i tillegg til å ha eget verksted i Kautokeino også var lærer ved skolen, utførte det håndverksmessige arbeidet på bakgrunn av Jåks` skisser. Motivet er tett knyttet til samisk mytologi, der sola har en helt sentral plass. Komposisjonen viser sola og vinden i en geometrisk og symmetrisk komposisjon. Sol og vind er gjennomgående utført i messing, inkludert hver skrue. Sol og vind ble våren 2024 flyttet fra de gamle lokalene til Samisk videregående skole og reindriftsskole, og montert sentralt i hovedrommet i Čoarvemátta, den nye bygningen for skolen og Beaivvas.
Bio: Iver Jåks (1932–2007) var født i Karasjok og allerede som barn tegnet han mye. Han studerte ved Statens håndverks- og kunstindustriskole i Oslo (dagens KHiO) og Kunstakademiet i København. Jåks var en allsidig kunstner som uttrykte seg gjennom og eksperimenterte med et mangfold av teknikker, format og materialer. Han brakte elementer fra samisk kunst og kultur sammen med de internasjonale kunsttendensene i hans samtid. Som kunstner jobbet han med duodji, akvareller, kull- og tusjtegninger, grafikk, relieffer og skulpturer utført i tre, bein og horn. Under utdanningen ved SHKS var han opptatt av metall.
Iver Jåks utførte flere offentlige kunstverk, der Sol og vind er et eksempel. På starten av 1970-tallet ble han engasjert av Tromsø Museum for å lage illustrasjonene i den store utstillingen Samekulturen, som fremdeles kan ses i museet. Et av de kanskje mest kjente offentlige kunstverkene hans er betongrelieffet Gudenes Dans (1972) i Sámiid Vuorká-Dávvirat / De Samiske Samlinger i Karasjok.
