Persovdnasuodjalusjulggaštus
Persovdnasuodjalusjulggaštus čilge movt KORO gieđahallá ohcciid persovdnadieđuid geat ohcet doarjjaortnegiid ja sin gulahallanpersovnnaid, ruđaid vuostáiváldit doarjjaortnegiin, kundariid, lágideddjiid, ohcciid virggiide KORO:s ja kuráhtoriid ja dáiddakonsuleanttaid KORO doaibmamuš uskkádagas.
Persovdnadieđuid gieđahallan
KORO – Dáidda almmolaš sajis (Kunst i offentlige rom) («KORO», «min» dahje «mii») gieđahallá persovdnadieđuid nu go lea čilgejuvvon dán Persovdnasuodjalusjulggaštusas, ja lea ovddasvástideaddji sihkkarastit ahte gieđahallan čađahuvvo gustovaš lágaid mielde.
Dát Persovdnasuodjalusjulggaštus čilge movt KORO gieđahallá ohcciid persovdnadieđuid geat ohcet doarjjaortnegiid ja sin gulahallanpersovnnaid, ruđaid vuostáiváldit doarjjaortnegiin, kundariid, lágideddjiid, ohcciid virggiide KORO:s ja kuráhtoriid ja dáiddakonsuleanttaid KORO doaibmamuš uskkádagas.
Jus mihkkege lea eahpečielggas dán Persovdnasuodjalusjulggaštusas dahje jus dus leat eará gažaldagat movt KORO gieđahallá persovdnadieđuid, de leat buresboahtin váldit oktavuođa KORO Persovdnasuodjalusáittardeddjiin Anne Christine Schjetne.
Gii lea ovddasvástideaddji gieđahallat du persovdnadieđuid?
KORO – Dáidda almmolaš sajis (Kunst i offentlige rom) mas lea organisašuvdna nummar 974778998 ja 992462744, lea ovddasvástideaddjin gieđahallat persovdnadieđuid mat gieđahallojit dán Persovdnasuodjalusjulggaštusa mielde.
Min gulahallandieđut leat:
KORO
Fitnančujuhus: Victoria Terrasse 11, 0251 Oslo
Poastačujuhus: Postboks 6994 St. Olavs plass, 0130 OsloTelefonnummer: 22991199
E-poastačujuhus: post@koro.no
Makkár ulbmiliin ja makkár vuođul gieđahallá KORO persovdnadieđuid?
a) Sii geat čálalaččat gulahallet KORO:in.
Go lea almmolaš orgána, de lea KORO geatnegahtton čuovvut arkiivalága mearrádusaid almmolaš doaimmaid birra. Sáhttit deavdit min geatnegasvuođaid daid njuolggadusaid mielde, de buot čálalaš gulahallan KORO:in vurkejuvvojit, vuos min luhtte ja maŋŋil mii addit daid arkiivadoaimmahahkii. Gieđahallanvuođđu dán gieđahallamis, lea ahte lea dárbbašlaš doalahit rievttalaš geatnegasvuođaid mat KORO:s leat. Geahča eanet Arkiivadoaimmahaga birra 4.3 čuoggás vuolábealde.
b) Ohccit doarjjaortnegiidda ja sin gulahallanpersovnnat.
Mii gieđahallat doarjjaortnega ohcciid persovdnadieđuid ja sin vejolaš gulahallanolbmuid dainna ulbmiliin ahte hálddašit ja árvvoštallat ohcamiid. Gieđahallanvuođđu dán gieđahallamis lea ahte lea dárbbašlaš čađahit doaimmaid dan ektui gii lea registrerejuvvon ohccin ovdal go šiehtadusa dahká (namalassii doarjaga).
KORO lea geatnegahtton čuovvut arkiivalága ja almmolašvuođalága ja heivehit almmolaš oahpásmuvvama movt foanddat ja doarjjaortnegat hálddašuvvojit. Diet mielddisbuktá earret eará ahte du persovdnadieđut maid don almmuhat ohcama olis, sáhttet almmuhuvvot mearráduslisttuin KORO neahttasiidduin, ja ahte dat vurkkoduvvojit ja addojit Arkiivadoaimmahahkii almmolašrievttalaš gáibádusaid mielde. Geahča eanet movt mearráduslisttut almmuhuvvojit 4.1 čuoggás vuolábealde.
Dien geažil gieđahallojit persovdnadieđut dainna ulbmilin ahte doalahit ođasmahttojuvvon arkiivva ja heivehit almmolaš oahpásmuvvamii. Gieđahallanvuođđu dán gieđahallamii, lea ahte lea dárbbašlaš doalahit rievttalaš geatnegasvuođaid mat KORO:s leat.
KORO ii geavat automatiserejuvvon mearrádusaid, nu go profileret, go árvvoštallá ohcamiid.
c) Doarjjaortnegiin ruđaid vuostáiváldit.
Jus don oaččut doarjaga KORO:s, de mii fertet maid gieđahallat persovdnadieđuid vai sáhttit hálddašit ja máksit doarjagiid. Gieđahallanvuođđu dán gieđahallamii lea ahte lea dárbu deavdit šiehtadusa mas KORO lea oassálažžan,
Mii maid áigut gieđahallat ja vurkkodit dieđu máksimiid birra dainna ulbmilin ahte vurkkodit KORO rehketdoalu. Diet gieđahallan lea dárbbašlaš vai deavdá rievttalaš geatnegasvuođaid mat lea biddjojuvvon KORO:i.
d) Kundarat ja buvttadeaddjit.
Mii gieđahallat persovdnadieđuid kundariid ja buvttadeddjiid birra dainna ulbmiliin ahte deavdit dahje dahkat šiehtadusaid mas KORO lea oasálaš. Diekkár gieđahallan lea dárbbašlaš deavdit šiehtadusa mas KORO lea oasálažžan, dahje čađahit doaimmaid kundara dahje buvttadeaddji ávžžuhus vuođul ovdal go šiehtadusa dahká.
Mii maid áigut gieđahallat ja vurkkodit dieđu olggos- ja sisamáksimiid dainna ulbmiliin ahte vurkkodit KORO rehketdoalu. Diet gieđahallan lea dárbbašlaš vai doalaha rievttalaš geatnegasvuođaid maidda KORO lea geatnegahtton.
e) KORO virggiide ohccit.
Mii gieđahallat persovdnadieđuid KORO virggiid ohcciin maid sii almmuhit ohcamis dainna ulbmiliin ahte árvvoštallat ohcama. Vuođđun diekkár gieđahallamii lea dárbbašlaš ovdal go dahká šiehtadusa.
f) Fierpmádat kuráhtoriidda ja dáiddakonsuleanttaide KORO doaibmauskkádagas.
Mii gieđahallat KORO doaibmauskkádagas sin persovdnadieđuid geat ohcet beassat kuráhtoriid ja dáiddakonsuleanttaid fierpmádahkii dainna ulbmiliin ahte árvvoštallat ohcama. Vuođđun diekkár gieđahallamii lea ahte dat lea dárbbašlaš čađahit doaimma ohcci ávžžuhusa vuođul.
Vaikko CV:at fierpmádagas eai leat rahpasat neahttasiiddus, sáhttá juohkehaš gii háliida almmuhit doaimma, ja earát geat leat registrerejuvvon fierpmádahkii, gávdnat dieđuid. De lea doaibmauskkádaga sisdoallu rehkenastit nu go almmolaš diehtun. Uskkádagas lea dan dihte profiilaeaiggádii vejolaš leat oaidnemeahttun. Sii geat válljejit dan, sáhttet lohkat doaimmaid almmuhemiid, muhto profiila ja CV ii oidno go geahččá fierpmádagas.
Geainna juogada KORO du persovdnadieđuid?
a) Mearráduslisttuid almmuheapmi.
KORO almmuha mearráduslisttuid mas leat juolludeamit ohcamiidda min doarjjaortnegiin. Almmuheapmi lea oassin barggus ahte galgá eanet rabasvuohta ja dássásašgieđahallan ohcamiid gieđahallamiin.
b) Miellahtut komiteain ja lávdegottiin.
Miellahtut komiteain ja lávdegottiin besset oaidnit persovdnadieđuid dain ohcamiin maid gieđahallet. Buot miellahtuin ráđiin ja lávdegottiin leat garra luhtolašvuođa (konfidensiála) geatnegasvuođat.
c) Arkiivadoaimmahat.
Buot čálalaš gulahallan, nu go gieđahallat ohcamiid, geigejuvvojit Arkiivadoaimmahahkii almmolašrievttalaš gáibádusaid mielde.
Eanet diehtu arkiivva ja persovdnasuodjalusa birra, geahča Arkiivadoaimmahaga.
d) KORO dáhtagieđahallit.
KORO geavaha dáhtagieđahalliid muhtin gieđahallandoaimmaide. Dáhtagieđahalliin leat garra dáhtagieđahallan šiehtadusat KORO:in, ja eai sáhte ieža ráđđet du persovdnadieđuid badjel:
- Ekonomiija, rehketdoalu, sisa- ja olggosmáksimiidda lea Direktoráhtta ekonomiijastivremis (DFØ) dáhtagieđahallin. DFØ viežžá KORO ovddas maid persovdnadieđuid Álbmotregistaris, Altinn:as, NAV:as ja Vearrodirektoráhtas.
- Vuostáiváldit doarjjaohcamiid, de lea Cognitoforms dáhtagieđahalli.
- Almmuhit neahttasiiddus, de lea Dekode AS dáhtagieđahalli.
- Vuostáiváldit virgeohcamiid, de lea Webcruiter AS dáhtagieđahalli.
- Vuostáiváldit buot čálalaš gulahallama mii lea oassin áššegieđahallamiin dahje arkiiva geatnegas dokumentašuvdna, de lea Tieto Norway AS dáhtagieđahalli.
e) Sirdit riikkaide olggobeallái EØS guovllu.
KORO, ja dan dáhtagieđahallit, eai sirdde persovdnadieđuid riikkaide olggobeallái EØS guovllu.
Du vuoigatvuođat ja movt váldit vára dain
Go mii gieđahallat du persovdnadieđuid, de leat dus vissis vuoigatvuođat, diet fátmmastit:
a) Vuoigatvuohta oahpásmuvvamii.
Dus lea vuoigatvuohta oažžut mis duođaštusa ahte gieđahallat go mii du persovdnadieđuid dahje eat, ja jus nu lea dilli, de sáhtát bivdit beassat oahpásmuvvat persovdnadieđuiguin. Oahpásmuvvandiehtu fátmmasta – earret eará – ulbmiliid gieđahallamiin, makkár kategoriijaide persovdnadieđut gullet, ja geat leat vuostáiváldit ja vuostáiváldikategoriijat persovdnadieđuide dahje geaidda dat addojuvvojit. Diet ii leat man ge láhkái loahpalaš riekti ja earáid vuoigatvuođat ja beroštumit sáhttet ráddjet du vuoigatvuođa oahpásmuvvamii.
Dus sáhttá leat vuoigatvuohta oažžut kopiija persovdnadieđuin mat gieđahallojit. Jus don bivddát eanet go ovtta kopiija, de mii sáhttit gáibidit govttolaš mávssu hálddašangoluid vuođul.
b) Vuoigatvuohta njulget.
Dus lea vuoigatvuohta oažžut min njulget boasttu persovdnadieđuid iežat birra. Sorjavaš gieđahallama ulbmilin, sáhttá dus leat riekti oažžut váilevaš persovdnadieđuid dievasmahttojuvvot, nu go jus buvttát dievasmahtti julggaštusa.
c) Vuoigatvuohta sihkkojuvvot («vuoigatvuohta vajálduvvot »).
Vissis diliid olis, de lea dus vuoigatvuohta ahte persovdnadieđut du birra sihkkojuvvojit, ja mis sáhttá leat geatnegasvuohta sihkkut diekkár persovdnadieđuid.
d) Riekti gáržžidit gieđahallama.
Vissis diliid olis, de lea dus vuoigatvuohta gáibidit ahte du persovdnadieđuid gieđahallan gáržžiduvvo. Jus nu dáhpáhuvvá, de gullevaš dieđut merkejuvvojit ja mii gieđahallat daid dušše dihto ulbmiliid olis.
e) Riekti vuosttildit.
Vissis diliid olis, de sáhttá leat dus vuoigatvuohta vuosttildit vaikko goas, sivaid geažil mat leat čadnon du earenoamáš dillái, dahje jus persovdnadieđut gieđahallojit njuolgut márkanastima ektui, ja min gieđahallama vuostá du persovdnadieđuid ektui. De sáhttá gáibidit ahte mii eat šat gieđahala du persovdnadieđuid.
Dus lea vel riekti vuosttildit vaikko goas gieđahallat persovdnadieđuid iežat birra jus persovdnadieđut gieđahallojit njuolgut márkanastima ektui nu go profileren go dat guoská njuolgut márkanastimii. Diekkár dilis mii eat šat gieđahala du persovdnadieđuid šat diekkár ulbmiliid olis.
Jus don háliidat čuoččuhit iežat vuoigatvuođaid KORO ektui, de váldde oktavuođa min persovdnasuodjalusáittardeddjiin, Anne Christine Schjetne.