Máksima eavttut ja bagadallan 

Dáiddáriidda ja kuráhtoriidda máksojuvvo osiid mielde. Vuosttaš 80 % doarjagis máksojuvvo go ohcci lea ožžon KORO eavttuid lohpádussii. Loahppa 20 % máksojuvvo go KORO lea ožžon dohkkehuvvon loahpparaportta. 

Suohkaniidda ja fylkasuohkaniidda máksojuvvo maŋŋil go KORO lea dohkkehan loahpparaportta ja rehketdoalu. 

Earenoamáš háviid ja jus čálalaččat ohcá, de sáhttá gitta 80 % doarjjasupmis máksojuvvot árabut. 

LOK ohcanskovi birra 

Ohcanskovit ja almmuhanteaksta lea olámuttos dán siiddus sullii guokte mánu ovdal ohcanáiggi. Loga almmuhanteavstta dárkilit ovdal go álggát deavdit ohcanskovi. 

KORO rávve ahte don maid oahpásmuvat Persovdnasuodjalusjulggaštusain ovdal go deavddát. 

Lea vejolaš gaskaboddosaččat vurket ohcama ovdal go loahpalaččat sáddet sisa. Vuosttašgeardde go vurket skovi, de fertet deavdit ohcco e-poastačujuhusa. Dien e-poastačujuhussii sáddejuvvo URL-čujuhus maid fertet geavahit juohke háve go áiggut lasihit dahje rievdadit juoidá ohcanskovis. Muitte vurket dađi mielde. 

Buot dokumeanttat maid sáddet, fertejit leat PNG, JPG dahje PDF hámis, ja ii guhte ge mielddus galgga stuorát go 10 MB. 

Devdojuvvon skovvi ferte sáddejuvvot sisa áigemearis. Go leat sádden ohcama, de oaččut duođaštusa ahte ohcan lea vuostáiváldojuvvon. 

Ohcanskovvi lea vuos dušše dárogillii. 

Rávvejuvvon neahttalohkkit 

Mac: Chrome dahje Safari 

PC: Chrome 

Loahpparaporta 

KORO:s lea fágalaš ovddasvástádus dokumenteret ja vurket dáidaga almmolaš báikkiin. Materiála mii sáddejuvvo sisa, lea dehálaš vuođđun suorggi máhttoovdáneapmái ja dutkamii. Raporta galgá maid sisttisdoallat rehketdoalu mii čájeha ahte ruđat leat geavahuvvon nu go dieđuin ohcamis ovdanboahtá,  

Doarjjavuostáiváldi galgá sáddet fágalaš raportta, rehketdoalu ja dokumentašuvnna maŋemus golbma mánu maŋŋil go projeakta lea loahpahuvvon. Loahpahandáhton berre biddjot maŋŋil čađaheami vai lea vejolaš oažžut dieđuid buot sisaboađuid ja goluid birra. Visot dahje oasit doarjagis sáhttet gahččat eret jus raporta ii addojuvvo sisa áiggil. 

Ohcci galgá raporttas čilget projeavtta čađaheami. Lassin galgá sáddejuvvot sis dokumentašuvdna nu go govvafiillat, jietnafiillat dahje sullasaččat. Liŋkkat preassamáinnašeapmái váldojuvvo fárrui jus lea relevánta. Materiála mii váldojuvvo vuostá, lea olámuttos earret eará dáiddahistorjjálaš dutkamii. 

Rehketdoallu galgá čájehit movt doarjja lea geavahuvvon, ja ordnejuvvot dainna lágiin ahte sáhttá buohtastuvvot bušeahtain. Visot KORO doarjja ja vejolaš doarjagat earáin galget spesifiserejuvvot. Galgá sáhttit čájehit guittiid jus jerrojuvvo. Spiehkasteapmi eanet go 10 % gaskkal rehketdoalu ja bušeahta mii lei vuođđun, galgá kommenterejuvvot. 

Fuomáš ahte KORO sáhttá bidjat earenoamáš eavttuid go juolluda doarjaga. Jus nu gáibiduvvo, de diet spesifiserejuvvo lohpádusreivves. 

Máksinbagadallan  

Visot stáhtalaš doaimmat gáibidit elektrovnnalaš rehkega ja kredihttarehkega mii lea elektrovnnalaš gávpeformáhtta (EHF). Eanet diehtu elektrovnnalaš rehkega ja EHF birra, geahča anskaffelser.no. 

Rehketčujuhus: 
Organisašuvdnanummar: 992 462 744 
Kunst i offentlige rom, KORO fond 
Fakturamottak DFØ 
Postboks 4746, Torgarden 
7468 Trondheim 

Bagadallan dáiddáriidda ja kuráhtoriidda 

• Doarjjavuostáiváldi sádde e-poastta deike: post@koro.no mas dohkkeha KORO eavttuid. 
• Elektrovnnalaš rehket (EHF) 80 % ovddas dan oppalaš doarjagis galgá sáddejuvvot KORO:ii, máksináigin biddjo 30 beaivvi. 
• EHF-rehket merkejuvvo projeaktanummariin ja projeaktanamain (geahcá dieđu lohpádusreivves). 
• Go doarjjavuostáiváldi lea addán loahpparaportta ja lea dohkkehuvvon KOROR bealis, sáhtta rehket loahppasupmis (20 % oppalaš doarjagis) sáddejuvvot KORO:ii, máksináigin biddjo 30 beaivvi. 
• Loahpparaportta ferte sáddet sisa maŋemus golbma mánu maŋŋil almmuhuvvon loahpahandáhtona. 

 Bagadallan suohkaniidda ja fylkasuohkaniidda 

• Elektrovnnalaš rehket (EHF) 80 % oppalaš doarjagis sáddejuvvo KORO:ii maŋŋil go KORO čálalaččat lea dohkkehan loahpparaportta. Loahpparaportta galgá sáddet sisa maŋemus golbma mánu maŋŋil almmuhuvvon loahpahandáhtona. 
• EHF-rehket sáddejuvvo 30 beaivvi máksináiggiin. 
• EHF-rehket merkejuvvo projeaktanummariin ja projeaktanamain (geahcá dieđu doarjjaskovis) 

Molssaeavttut 
Jus dus ii leat rehketsystema ovdalaččas dahje lea rehketsystema mii ii hálddaš EHF-rehkegiid, sáhttit mii rávvet nehttii vuođđuduvvon máksinuskkádaga. Dát lea eaŋkilis čoavddus mii lea ráhkaduvvon gieđahallat ja sáddet EHF-rehkegiid rievttes vuogi mielde. Eanet diehtu, geahča anskaffelser.no. 

Gažaldagat 

Gažaldagat mat gusket rehkegii, sáhttá sáddet deike: post@koro.no 

Telefovdna: 22 99 11 99 

Gii máhttá vástidit maid? 

Gažaldagat mat gusket deavdit ohcanskovi: post@koro.no 

Telefovdna: 22 99 11 99 

Gažaldagat mat gusket eavttuide doarjagii ja sisdollui ohcamiin: 

Dáiddárat ja kuráhtorat: 

Bo Krister Wallstrøm: bw@koro.no 

Suohkanat/fylkasuohkanat: 

Truls Ramberg: tr@koro.no