Lydverket Arion kan kort skildrast som dei rytmiske sukka frå hjartet til ein snigel, Arion vulgaris, innspelt ved bruk av ultralyd. Snigelen står på lista til EU over framande artar som bør utryddast. Snigelen lever i ei sanseverd av smak, lukt, lys, fukt og temperatur. Hjarteslaget til snigelen, som kan koma opp i nesten hundre slag i minuttet, er musikk frå ein gjømt stad.
Du kan høyre lydverket i korridoren mellom Driftsavdelinga og garasjane i underetasjen, med nedgang frå trapp eller heis i Navlesnoren, utanfor Akademia.
