Kulturrådet har sidan 1968 årleg delt ut ein ærespris til nokon som har gjort ein innsats av vesentleg betydning for norsk kunst- og kulturliv. Æresprisen kan gå til enkeltpersonar, grupper eller prosjekt. Prismottakaren får eit prisbeløp og eit kunstverk. Frå 1994 til 2025 har prismottakaren fått ein skulptur av bilethoggar Elena Engelsen. Frå og med 2026 skal eit nytt kunstverk overrekkjast til prismottakaren.

Om kunstverket

• Det skal vera eit kunstverk som skal overrekkjast til vinnaren i samband med utdelinga av Kulturrådets ærespris.
• Verdigrunnlaget for Kulturrådet og æresprisen ligg i Lov om Kulturrådet og Kulturrådets strategi.
• Kunstverket skal fortrinnsvis vera eit varig objekt, men andre typar kunstverk vil også bli vurdert.
• Kunstverket må kunna produserast i fleire eksemplar og/eller gjentakast årleg.

Alle kunstnarar/kunstnargrupper kan melda si interesse for dette oppdraget ved å senda inn ein søknad. Søknaden skal innehalda dokumentasjon av tidlegare arbeidar, biografi/cv og ein kort motivasjonstekst. Prekvalifiseringen er ikkje honorert.

Om prekvalifiseringen

• Interesserte kunstnarar skal senda inn søknad i form av eitt PDF-dokument på maksimalt åtte sider i liggjande A4-format.
• Dokumentet skal ha namnet til kunstnaren som tittel, og skal innehalda følgjande:

1. Side 1: Namnet til kunstnaren.
2. Side 2: Ein motivasjonstekst på maksimalt 10 linjer/1000 teikn.
3. Side 3: Biografi/cv.
4. Side 4-8: Maksimalt fem sider med dokumentasjon av relevante, tidlegare arbeidar. Verkstittel, årstal, materiale, dimensjonar og eventuelle lenkjer til lyd- eller filmfiler, skal stå i dokumentet. Lenkjer til andre nettsider vil ikkje bli opna.

• Me ønskjer ikkje skisser eller konkrete løysingsforslag i samband med prekvalifiseringen.
• PDF-dokumentet skal vera på maksimalt 12 MB.
• Søknaden blir send til aeresprisen@kulturradet.no innan fristen den 7. mai 2025 kl. 13:00.

Kulturrådet vil vurdera søknadene som kjem inn til prekvalifiseringen i møte den 11-12. juni 2025. Rådet vil velja inntil fem kunstnarar til ein lukka konkurranse. Kriterium for val av kunstnarar til den lukka konkurransen er 1) kunstnariske kvalitetar, 2) forståing av oppdraget og 3) leveringsdyktigheit.

Om den lukka konkurransen

Kunstnarar som blir valt ut til den lukka konkurransen får beskjed den 15. juni og skal levera eit konkurranseutkast den 15. oktober 2025. Konkurranseutkastet skal omfatta skisser, fysisk modell og/eller grafisk representasjon i fysisk format, framdriftsplan og budsjett. Honoraret er 40 000 kroner. Rådet vil vurdera konkurranseutkasta i møte den 10-11. desember 2025.

Vinnaren får beskjed 15. desember 2025 og får ei budsjettramme på 400 000 kroner for å forma ut det endelege kunstverket. Dette budsjettet kjem i tillegg til honoraret for å delta i den lukka konkurransen.

Om konkurranseutkasta som skal leverast

Konkurranseutkasta skal leverast digitalt og fysisk:

• Digital PDF skal innehalda 1) visuell presentasjon, 2) prosjektskildring med framdriftsplan og 3) budsjett og kostnadsoverslag (sjå under). Prosjektskildringa skal omtala kunstnarisk intensjon, framstillingsprosess, materiale, dimensjonar og miljøomsyn. Presentasjonen blir utforma i liggjande format A4 og blir send til aeresprisen@kulturradet.no.
• Fysisk modell og/eller grafisk representasjon i fysisk format opp til A2 blir send til Kulturdirektoratet, Postboks 4808 Nydalen, eller blir levert til Kulturdirektoratet, Mølleparken 2, 0459 Oslo. Levering blir avtalt med Jonas Ekeberg, jonas.ekeberg@kulturdirektoratet.no.
• Konkurranseutkasta skal leverast innan fristen den 15. oktober 2025.

Om budsjettet og kostnadsoverslaget som skal leverast

Konkurranseutkastet skal omfatta eit budsjett og eit kostnadsoverslag:

• Budsjettet skal visa korleis kunstnaren vil disponera budsjettramma på kroner 400 000. Det skal omfatta produksjonskostnader og kunstnarhonorar for den første leveransen i august 2026. Budsjettet skal angi kor mange eksemplar kunstnaren kan levera innanfor budsjettramma. Kor mange eksemplar som skal leverast er gjenstand for forhandlingar med utgangspunktet i budsjettet til kunstnaren.
• Kostnadsoverslaget skal visa kva det vil kosta å levera fleire eksemplar av kunstverket, anten samtidig med den første leveransen, eller seinare. Her er det ei open budsjettramme. Overslaget skal omfatta produksjonskostnader og kunstnarhonorar.

Kriterium for vurdering av konkurranseutkasta

Kulturrådet vil bedømma konkurranseutkasta etter følgjande kriterium:

1. Kunstnariske kvalitetar
2.  Løysing av oppdraget
3. Dei andre kvalitetane på leveransen

1. Kunstverket skal delast ut saman med prisbeløpet under ein årleg seremoni i regi av Kulturrådet. I ein slik samanheng blir vanlegvis overrekt eit kunstobjekt som noko prismottakaren kan ta med seg heim, som eit varig minne. Kulturrådet ønskjer fortrinnsvis at kunstverket skal vera eit slikt eit varig objekt. Kulturrådet vil likevel vurdera t.d. auditive, performative eller litterære kunstverk som utdjupar og utfordrar ideen bak prisen, som fungerer seremonielt og som gir prismottakaren eit varig minne.

3.           Dei andre kvalitetane på leveransen

Det er viktig for Kulturrådet å balansera profesjonalitet og økonomiske omsyn. Det vil telja positivt om kunstnarar kan levera fleire eksemplar av æresprisen til ein moderat pris, utan at dette går ut over kvalitet i produksjonen og honorar til kunstnaren. Kulturrådet ønskjer at deltakarane tek miljømessige berekraftsomsyn i val av materiale og produksjonen av verket.

Vinnaren skal levera dei første eksemplara av kunstverket i august 2026. Konkurransen opnar for svært ulike typar kunstnariske løysingar. Nøyaktig talet på verk som skal leverast, og dessutan honorar og tidsramme for leveranse av fleire eksemplar, blir derfor avtalt med den vinnande kunstnaren.

Om rettar

• Kunstnaren har opphavsrett til kunstverket.
• Kunstnarar som deltek i den lukka konkurransen gir Kulturrådet rett, utan ekstra vederlag, til å publisera bilete og kortfatta informasjon om konkurranseutkasta. Denne retten gjeld publisering i Kulturrådets publikasjonar, redaktørstyrte medium og sosiale medium i samband med den lukka konkurransen.
• Kunstnaren som vinn konkurransen gir Kulturrådet rett, utan ekstra vederlag, til å publisera bilete og kortfatta informasjon om det ferdige kunstverket. Denne retten gjeld gjentekne publiseringar i Kulturrådets publikasjonar, redaktørstyrte medium og sosiale medium. Retten er ikkje tidsavgrensa. Kunstnaren har rett til å nytta bilete av verket til marknadsføring av eige kunstnarskap. Annan bruk skal avklarast med Kulturrådet.
• Kulturrådet får einerett til å nytta det ferdige kunstverket som ærespris og i andre offentlege samanhengar. Kunstnaren har likevel rett til å framstilla inntil tre eksemplar av kunstverket til utstillingar i eige namn. Eksemplara til kunstnaren kan ikkje omsetjast på den opne marknaden.

Tidsplan

• Mars 2025: Invitasjon til open prekvalifisering blir offentleggjord
• 7. mai 2025 kl. 13: Frist for søknad om prekvalifisering
• 15. juni 2025: Deltakarane til den lukka konkurransen får beskjed
• 15. oktober 2025: Frist innlevering lukka konkurranse
• 15. desember 2025: Vinnaren av konkurransen får beskjed
• August 2026: Kunstverk ferdig produsert
• Høst 2026: Kulturrådets ærespris 2026 blir utdelte

Kulturrådet er jury for konkurransen.

Spørsmål kan rettas til Jonas Ekeberg, fagansvarleg for visuell kunst, jonas.ekeberg@kulturdirektoratet.no.