Gardemann med hestehår og rose #2

Med ein lett og humoristisk strek har Tenvik teikna soldatar i uniformer som minner om gardeuniforma, men i lyse pastellfargar. Kroppane inni uniformene har litt «feil» proporsjonar – små hovud, lange nasar, lange armar og bein og store hender – som ikkje heilt ferdig utvikla tenåringar.

Tittelen Gardemann med hestehår og rose viser til duskane oppå hattane som høyrer til gardeuniforma, og at soldatane på teikningane har roser i hendene. Slik spelar Tenvik på romantiske førestellingar om soldaten som høvisk kavaler.